Америкалик шахс бир гуруҳ мусулмонларга пичоқ билан ҳужум қилди
Америка-Ислом муносабатлари кенгаши (CAIR) АҚШ ҳуқуқ-тартибот идораларини Техаснинг Остин шаҳрида Фаластинни қўллаб‑қувватлаб ўтказилган намойишдан қайтаётган ёш америкалик мусулмонларга ҳужум қилган Берт Жеймс Бейкерга нисбатан нафрат билан боғлиқ жиноятларда айблов қўйишга чақирди.
IslamNews
нашрининг Middle East Monitor сайтига таяниб хабар беришича, 4 февраль
куни тўрт нафар америкалик мусулмон Фаластинни қўллаб-қувватловчи митингдан
уйга қайтаётганда, Бейкер улардан
фаластинликларнинг
куфия бош кийими ва “Фаластинга озодлик” ёзуви туширилган байроқни тортиб олмоқчи бўлган.
Жабрланганларнинг сўзларига кўра, Бейкер одобсиз ҳақоратлар
билан бақирган, сўнг машина йўловчиларига жисмоний ҳужум қилган. Ҳужум чоғида у
пичоқни чиқариб, йигитлардан бирининг кўкрагига санчган ва қовурғасини синдирган. Пичоқ жароҳати билан касалхонага
ётқизилган мусулмон
йигитнинг ҳаётига ҳозирда ҳеч қандай хавф йўқ.
“Биз ушбу
очиқ нафрат ҳаракатини кескин қоралаймиз. Ҳеч ким машинасида Фаластин
рамзи туширилган буюмлар бўлгани
учун нишонга олинмаслиги керак. Фаластинга қарши ирқчилик ва исломофобияга
Техасда ҳам, мамлакатнинг ҳеч бир жойида ўрин йўқ”, ‑ деди Далласдаги CAIR
директори Мустафа Керролл.
.png)
Мавзуга алоқадор
-
АҚШ Сенати Украина ва Исроилга 110 миллиард долларлик моддий ёрдам ажратиш тўғрисидаги қонунни рад этди.
-
Номаълум жангарилар Ироқ пойтахти Боғдод шаҳри марказидаги қаттиқ қўриқланадиган “яшил ҳудуд”да жойлашган АҚШ элчихонасини ракета билан ўққа тутди.
