Ikki xil standart: AQShning “adolati” barcha xalqlar uchun bir xil emasmi?
Foto: people.com.cn
Shu paytgacha faqat kinofilʻmlarda koʻrib, bilganimiz dahshatli yoki dramatik sahnalar bugun haqiqiy hayotda yuz berayotgan, ekan diqqatimizni arzimas voqealarga qaratish insofdan boʻlmaydi. Bugun dunyo hukmronligini daʻʻvo qilayotgan kuchlar adolatni ikki xil standartlar asosida qoʻllashda davom etayotgani musulmonlarni uygʻonishga, xolislik bilan global hodisalarni tahlil etishga undaydi. Ayniqsa, asrimizda oddiy odamlarga nisbatan sodir etilayotgan urush jinoyatlariga Xalqaro jinoyat sudi va AQSh boshchiligidagi Gʻarb davlatlarining qanday munosabatda boʻlayotgani bizni qiziqtirishi kerak.
Gʻarbiy yarim sharning yuqori doiralarida yahudiy boʻlmaganlarga
tegishli inson huquqlariga zid xatti-harakatlar tanqid qilinib, Isroil
bosqinchilarining vahshiyliklariga koʻz yumilishi “adolat” tushunchasi ikki xil
standartga koʻra talqin etilayotgani misolidir. Aslida, “adolat”ni xalqlarga
nisbatan ikki xil qoʻllash adolatsizlik bilan tengdir.
Bugungi kunda Isroil kuchlarining Falastin, Livan, Suriya,
Yaman, Eron va Misr fuqarolariga hamda Livan janubida joylashgan UNIFIL
tinchlikparvar kuchlariga qarshi qurolli hujum uyushtirishining oʻzi jiddiy
huquqbuzarlikdir.
Xalqaro jinoyat sudi (XJS) 2002 yilda aʻʻzo davlatlar buni
xohlamagan taqdirda ham urush jinoyatlari, inson huquqlarining buzilishi, genotsid
va tajovuzga qoʻl urganlarni jazoga tortish uchun tashkil etilgan. Ajabki, AQSh
hukumati XJS qarorlariga qoʻshilish oʻrniga, uning butun dunyo boʻylab adolatni
taʻʻminlash qobiliyatiga putur etkazish yoʻlini tanladi. Sionistlar zarariga biror
qaror chiqargudek boʻlsa, tashkilotga sanktsiya qoʻllash hamda huquq himoyachilari va
ularning oila aʻʻzolarini Qoʻshma Shtatlarga kiritmaslik bilan tahdid qildi.
“Al Jazeera” telekanali hisobotiga koʻra, XJSga nisbatan
Isroilning yuqori martabali amaldorlarini hibsga olishga intilgani uchun AQSh
hukumati tomonidan sanktsiya qoʻllash boʻyicha qonun qabul qilingan.
2023 yil 17 martda XJS Rossiya prezidenti Vladimir Putinni
Ukrainadagi urush davrida bolalarni noqonuniy deportatsiya qilish va koʻchirish kabi
harbiy jinoyatlar uchun javobgar deb topib, hibsga olishga order bergandi.
Eʻʻtiborlisi shundaki, ushbu order Birlashgan Millatlar Tashkiloti Xavfsizlik Kengashining
doimiy aʻʻzosi boʻlgan davlat rahbarini hibsga olish haqidagi birinchi buyruqdir.
2022 yil 16 martda AQSh prezidenti Jo Bayden Rossiya
prezidenti Vladimir Putinni “urush jinoyatchisi" deb atagan boʻlsa-da, Isroil
bosh vaziri Netanʻyaxu Gʻazoda 42 ming begunoh falastinlikni, aksariyat ayollar va
bolalarni oʻldirganiga qaramay, unga yordam va dalda berishda davom etmoqda.
Katolik boʻlgan Bayden ikkiyuzlamachilik ogʻir gunoh ekanini bilishi tayin. Injilga
koʻra, munofiqlik biror narsaga ishonaman deb daʻʻvo qilgan holda, ayni daʻʻvodan
boshqacha harakat qilishni anglatadi.
Ijtimoiy tarmoqlarda terror davlati askarlarining
falastinliklarni qiynoqqa solayotgani, ularni yalangʻoch holda yurgizib, musulmonlar
jasadlarini tomdan uloqtirayotgani va boshqa noinsoniy harakatlari aks etgan
videotasvirlar tarqalmoqda. Yanada jirkanchlisi – ushbu videolarni sionist
fashistlarining oʻzi internetga joylayapti.
Guvohlar Shimoliy Gʻazodagi Kamol Idvon shifoxonasida bundan
ham dahshatliroq urush jinoyatlari sodir etilgani haqida xabar berishdi. U erda
homilador ayollar tugʻuruqqa ketayotganda Isroil tanklari tomonidan bosib, yanchib
ketilgan. Isroil harbiylarining sadistik xatti-harakatlariga jinoyatchi harbiy
rahbarlar va vazirlar tomonidan ruxsat berilgan. Vahshiylar jazolanishi kerak
edi, afsuski, ular AQShda qahramon sifatida koʻkka koʻtarilib, Netanyaxuning oʻzi
singari AQSh Kongressida olqishlanyapti. Bu esa AQSh rahbarlarining ham qoʻllari
falastinliklar qoniga botganini anglatadi.
Jumladan, AQSh hukumati Gʻazoda oʻt ochishni toʻxtatishga chaqiruvchi
BMTning uchta rezolyutsiyasini bekor qildi va shu bilan urush, musibatlar va
iztiroblar vaqtini uzaytirdi. AQSh hukumati oʻzining manfaatiga zid harakat
qilgan, hatto Amerika fuqarosi boʻlmasa ham jinoyatchi deb topilgan shaxslarni
qidirishga kuch va mablagʻ sarf etib kelyapti. Lekin sionistlarning musulmonlarga
nisbatan genotsidini bevosita qoʻllab-quvvatlayapti.
Ikkinchi jahon urushidan soʻng Nyurnbergda yigirma bir nafar
natsist harbiy jinoyatchisi ustidan sud jarayoni oʻtkazilgan edi. Ulardan oʻn bir
nafari aybdor deb topilib, osib oʻldirishga hukm qilingan. Qolganlari 10 yildan
tortib, to umrining oxirigacha qamoqqa hukm qilingan. Lekin bugungi kunda
sionist fashistlari AQSh yoki xalqaro tashkilotlar tashabbusi bilan jazolanmayapti.
Yana bir holat, 1985 yilda Isroilning iltimosiga binoan, AQSh
hukumati unga Ogayo shtatining Klivlend shahrida yashovchi 81 yoshli amerikalik fuqaro
Jon Demjanjukni topshirdi. U “Treblinka” oʻlim lageridagi gaz kameralarini
boshqarganlikda “ayblangan” edi.
Qizigʻi shundaki, AQSh hukumati va Isroil 76 yil davomida butun
dunyo boʻylab natsistlarni qidirib kelgan boʻlsa-da, endi arablarga qarshi xuddi
shunday urush jinoyatlarini sodir etayotgan yahudiy davlatini himoya qilmoqda va
ularni qahramonlar sifatida ulugʻlamoqda. Bunday xatti-harakat uchun bosqinchilar
jazolanishi kerak. Aks holda “xalqaro huquq himoyachisi” ekanini daʻʻvo qilayotgan
“muruvvatli” mamlakatlar kelajakda qora nom bilan eslanishi tayin.