Dunyoga mashhur amerikalik reper va “janr otasi” Jonatan Smit (Lil Jon) Kaliforniyadagi Qirol Fahd masjidida arab va ingliz tillarida shahodat aytib, Islomni qabul qildi. Uning shaholat kalimasini keltirgani aks etgan videoyozuvga ijtimoiy tarmoqlarda turlicha munosabatda boʻlindi, biroq muxlislarining aksariyati qoʻshiqchining qarorini qoʻllab-quvvatladi.

Harvard universiteti professori, oʻzak hujayralari sohasidagi mashhur olim Henri Larson islomni qabul qildi. U hijriy 1445 yil Ramazon oyining birinchi kunida roʻza tutdi va tarovih namozini oʻqidi, tez orada Umra ibodatini ado etadi.

Amerikalik taniqli faol, yozuvchi va sobiq pastor Shon King Ramazon oyining birinchi kuni turmush oʻrtogʻi bilan birgalikda shahodat kalimasini keltirib, musulmon boʻlishganini eʻʻlon qildi.

Avstraliyaning Melʻburn shahridagi Meadow Heights masjidida 30 nafar avstraliyalik ayol gʻozoliklarning Isroil qirgʻinbaroti oldidagi matonatidan taʻʻsirlanib, Islomni qabul qildi. Ular Falastin xalqiga hamdardligi orqali Islomga aloqadorligini his etgan va oxir-oqibat ushbu dinga oʻtishga qaror qilishgan.