BMT Xavfsizlik Kengashi 7 oktyabrdan buyon ilk bor Gʻazoda oʻt ochishni toʻxtatishni talab qiluvchi rezolyutsiyani qabul qildi. Ushbu qaror faqat Ramazon oyida Gʻazoda zudlik bilan oʻt ochishni toʻxtatishga chaqirishiga qaramasdan, doimiy va barqaror sulhga olib kelishi mumkin.

Isroil bosh vaziri Benʻyamin Netanyaxu BMT Xavfsizlik Kengashida Gʻazo boʻyicha rezolyutsiyaga veto qoʻymagani uchun AQShga delegatsiya yubormaslikka qaror qildi. Oʻz navbatida, Isroil BMT XK rezolyutsiyasiga qaramay, Gʻazodagi hujumlarini davom ettirishini bildirdi.

Isroil qamaldagi Gʻazo sektorida ikki kunlik oʻt ochishni toʻxtatish haqidagi Misr taklifini qabul qilishdan bosh tortdi. Ushbu tashabbusni hukumatdagi koʻplab vazirlar qoʻllab-quvvatlagan boʻlsa-da, bosh vazir Benyamin Netanyaxu qarshi chiqdi. U muzokaralar Gʻazoga hujumlar bilan birga davom etishini talab qilmoqda.