Turkiyaning “Antalyaspor” klubida toʻp suruvchi isroillik futbolchi Sagiv Exezkel “Tarbzonsport” kludi darvozasiga gol urganidan soʻng kameraga “7 oktyabrdan beri 100-kun” yozuvi va bilagidagi Dovud yulduzini koʻrsatib, Isroilning Gʻazodagi genotsidini qoʻllab-quvvatlashini namoyon etdi. Keyinroq “Bashakshehir”da oʻynayotgan isroillik Eden Kartsev ham ham ijtimoiy tarmoqlarda “100 kun” soʻzi boʻlgan postni eʻʻlon qildi. Sportchilarning bu harakatlari qizgʻin muhokamalarga sabab boʻldi.

UEFA bosh kotibi Teodor Teodoridis Isroil xuddi Rossiya singari futbol musobaqalaridan chetlashtiriladimi, degan savolga: “Isroil va Rossiyaning pozitsiyasi boshqa-boshqa. Isroil turnirlardan chetlashtirilmaydi”, ‑ deya javob berdi

Frantsiyada futbol oʻyini vaqtida iftor uchun tanaffus qilish taqiqlangani ortidan yarim himoyachi Maxamadu Diavara Frantsiya yoshlar terma jamoasini tark etdi.

Madridning «Real» klubi va Germaniya terma jamoasi himoyachisi Antonio Ryudiger ijtimoiy tarmoqda obunachilarini Ramazon oyi bilan tabriklab, shahodat barmogʻini yuqoriga qaratib tushgan rasmini eʻʻlon qildi. Uning bu ishorasini jurnalist Julian Reyxelt terror tashkiloti aloqasi belgisi deb hisobladi. Futbolchi jurnalistni sudga berdi.

Gvineya harbiy xuntasi rahbari Mamadi Dumbuya sharafiga oʻtkazilgan futbol musobaqasi vaqtida hakamning bahsli qarorlaridan norozi boʻlgan muxlislarning stadionga tushib kelishi tiqilinchni keltirib chiqardi. Natijada, tasdiqlanmagan maʻʻlumotlarga koʻra, 100 dan ziyod odam, jumladan bolalar halok boʻldi.