Anas shu yilning mart oyida, Ramazon oyida Haj ziyorati uchun yoʻlga chiqqan boʻlib, Germaniya, Avstriya, Bosniya va Gertsegovina kabi 9 mamlakatni bosib oʻtgan. U togʻlar, notekis yoʻllar va turli ob-havo sharoitlarida mashaqqat chekkan boʻlsa-da, maqsadidan qaytmadi.

Bryussel erkin universiteti ilmiy kengashi 7 maydan buyon davom etib kelayotgan talabalar noroziligi ortidan Isroil universitetlari bilan tuzilgan barcha shartnoma va loyihalarni toʻxtatishga qaror qildi. Isroil Xalqaro sudning Rafahga qilingan hujumlarni zudlik bilan toʻxtatish, gumanitar yordamlarning kirishiga toʻsiq boʻlmaslik qarorlariga amal qilsa, munosabatlar qayta tiklanishi mumkin.

Belʻgiya parlamentining sobiq deputati, oʻta oʻngchi Dris Van Langenxove yahudiylarga qarshi “nafrat va irqchilikni qoʻzgʻatish” aybi bilan bir yil muddatga qamaldi. U oʻzi tashkil etgan yoshlar harakati xabarlashuv guruhiga fashistlar ramzi (svastika) boʻlgan va kontslagerlardagi yahudiylar ustidan kulingan video va fotosuratlar joylashtirilgani uchun aybdor deb topildi.

Belʻgiya Isroilga porox eksport qiluvchi PB Clermont zavodiga berilgan litsenziyalarni vaqtincha toʻxtatdi. Bunga Xalqaro sudning 27 yanvardagi qarori va Gʻazo sektoridagi gumanitar vaziyat qabul qilib boʻlmaydigan darajada yomonlashgani sabab qilib koʻrsatildi.