Belʻgiya Isroilga porox eksport qiluvchi zavod litsenziyasini toʻxtatdi
Belʻgiya Isroilga porox eksport qiluvchi PB Clermont zavodiga berilgan litsenziyalarni
vaqtincha toʻxtatdi. Bunga
Xalqaro sudning 27 yanvardagi qarori va Gʻazo sektoridagi gumanitar vaziyat qabul
qilib boʻlmaydigan darajada yomonlashgani sabab qilib koʻrsatildi.
Belʻgiyaning frantsuz tilida soʻzlashuvchi Valloniya mintaqasini boshqaradigan hukumat matbuot kotibi Silʻven Yonkere Anadolu
agentligiga 2023 yilda Liejdagi PB Clermont porox zavodiga berilgan va 18 oy
davomida amal qiladigan litsenziyalar nomaʻʻlum muddatga toʻxtatilganini maʻʻlum qildi.
Yonkere,
shuningdek, Valloniya
bosh vaziri Elio di Rupo bu boradagi qarori eʻʻlon qilingan xati bilan oʻrtoqlashgan.
Maktubda aytilishicha, 2009 yildan beri Valloniya Isroilning
harbiy salohiyatini kuchaytira oladigan uskunalarni eksport qilmagan.
Ushbu zavodda ishlab chiqarilgan porox Isroil armiyasi tomonidan
foydalanish uchun emas, balki undan ishlab chiqarilgan oʻq-dorilarni keyinchalik Evropa Ittifoqi (EI)
mamlakatlariga, jumladan Belʻgiya va AQShga qayta eksport qilish uchun
moʻljallangan.
“Xalqaro sudning 27 yanvardagi qarori va Gʻazo sektoridagi
gumanitar vaziyatning qabul qilib boʻlmas darajada yomonlashishi munosabati bilan
mavjud litsenziyalar toʻxtatildi”,
‑ deyiladi bosh vazir Di Ruponing maktubida.
Flamanning De Morgen gazetasi 25 yanvarʻ kuni PB Clermont zavodi
2023 yil noyabrʻ oyida Isroilga 16 tonna porox joʻnatgani haqida xabar bergan edi.
Xabarda aytilishicha, Isroilning Zim kompaniyasining kemasi
Antverpen portidan chiqib, yukni Gʻazo yaqinidagi Ashdod portiga etkazgan. Mazkur xabar Valloniya hukumatining tanqidlarga uchrashiga sabab boʻldi.
.png)
Mavzuga aloqador
-
JAR Isroil BMTning 1948 yilgi Genotsidning oldini olish va jazolash toʻgʻrisidagi konventsiyasini buzganlikda ayblamoqda.
-
Isroil xorijdagi elchilariga JARga qarshi bayonotlar berish hamda Isroilning Gʻazodagi harakatlarini oqlashlari uchun siyosatchi va diplomatlarga bosim oʻtkazishni topshirdi.
