AQShda sakkiz nafar tojikistonlik IShIDga aloqadorlikda gumonlanib hibsga olindi. Qayd etilishicha, tojikistonliklar bir muncha vaqt davomida Federal qidiruv byurosi (FQB) kuzatuvida boʻlgan va soʻngra hibsga olingan.

Oʻzbekiston TIV AQSh prezidenti Jo Bayden eʻʻlon qilgan Gʻazo sektorida oʻt ochishni toʻxtatish rejasiga munosabat bildirdi. Unda Oʻzbekiston mojarolarni faqat tinch yoʻl va barcha mavjud diplomatik vositalar yordamida hal qilish tarafdori ekani taʻʻkidlangan. “AQShning oʻt ochishni toʻxtatish, garovga olinganlarni ozod qilish va tinch hayotni tiklash boʻyicha tashabbusini olqishlaymiz», — dedi vazirlik vakili.

Columbia Law Review jurnali sayti Isroilni tanqid qiluvchi maqola ortidan oʻchirib qoʻyildi. Harvard yuridik fakulʻteti aspiranti falastinlik Rabea Egbariyaning Isroilni genotsidda ayblab yozilgan maqolasi tufayli AQShdagi 123 yoshli Columbia Law Review jurnali sayti yopib qoʻyildi. Maqola muallifi saytning yopilishini “AQShdagi kollejlar kampuslarida kuzatilayotgan keng koʻlamli avtoritar repressiyaning kichik bir qismi” sifatida koʻrish kerakligini taʻʻkidlagan.

Amerikalik kongressmenlar Isroil bosh vaziri Benʻyamin Netanyaxu va mudofaa vaziri Yoav Galantni hibsga olishga order berish talabi uchun Xalqaro jinoyat sudidan oʻch olmoqda. Agar qonun loyihasi qabul qilinsa, XJS xodimlari AQSh vizalarini ololmaydi, ularning AQShdagi aktivlari va koʻchmas mulk bilan bogʻliq operatsiyalari muzlatiladi.

AQShning antisemitizm boʻyicha maxsus vakili Alphabet, Meta, Microsoft, TikTok va X vakillari bilan uchrashib, ularni oʻz platformalarida antisemit mazmunini cheklash boʻyicha saʻʻy-harakatlarni kuchaytirishga chaqirdi. Shuningdek, har bir kompaniyadan yahudiylarga qarshi kontentni jilovlash uchun asosiy xodimlarni oʻqitishni soʻradi. Aytilishicha, kompaniyalar hozircha AQSh hukumati talablariga rozi boʻlmagan.

Pentagon maʻʻlum qilishicha, AQShning Gʻazoga yordam koʻrsatish harakatlari barbod boʻldi: gumanitar yuklarni etkazib berish uchun vaqtinchalik iskala kuchli toʻlqinlar taʻʻsirida vayron boʻldi. Pentagon matbuot kotibi oʻrinbosari Sabrina Singxning soʻzlariga koʻra, bunga kuchli dengizlar va Shimoliy Afrika shamollari sabab boʻlgan.

Isroil Rafah qochqinlar lageriga AQShda ishlab chiqarilgan yuqori aniqlikdagi bombalarni tashladi. Ekspertlarning xulosasiga koʻra, Isroilning Rafah qochqinlar lageriga havo hujumi Amerikada ishlab chiqarilgan oʻq-dorilar yordamida amalga oshirilgan. Gʻazo sektori janubidagi shaharda gavjum chodirlar guruhiga uyushtirilgan hujum kamida 45 kishining hayotiga zomin boʻldi va yuzlab odamlar yaralandi.

Politsiya Gʻazodagi falastinliklar bilan birdamlik namoyishini tarqatib yuborganidan soʻng Oksford universitetida oʻndan ortiq talaba hibsga olindi.

Vladimir Putin AQShning Rossiyadagi aktivlarini musodara qilishga ruxsat berdi. Endilikda Rossiya sudlari Rossiyaning AQShdagi aktivlarini musodara qilish natijasida etkazilgan zararni qoplash uchun mamlakatda joylashgan Amerika mulkini tasarruf etishi mumkin boʻladi.

The New York Times oʻtkazgan tekshiruvlarda afgʻon generali Abdul Roziq AQSh bergan cheksiz vakolatlardan foydalangan holda minglab mahalliy aholi vakillarini oʻgʻirlagani, qiynagani va sudsiz qatl qilgani maʻʻlum boʻldi. Nashrning yozishicha, u Qandahor viloyati politsiyasiga rahbarlik qilgan davrda “Amerika mahluqi” laqabini olgan.