Rossiya Qozogʻistondan bugʻdoy, pomidor va poliz ekinlari importini chekladi
Rossiya 17 oktyabrdan boshlab Qozogʻistondan bugʻdoy, yasmiq, pomidor, qalampir va poliz mahsulotlarini olib kirishga vaqtinchalik cheklovlar kiritdi. Rosselxoznadzor mazkur qaror “Qozogʻiston vakolatli idoralari tomonidan Rossiya hududining fitosanitar xavfsizligini taʻʻminlash choralari koʻrilmagani sababli” qabul qilinganini bildirdi.
2024 yil
17 oktyabrdan boshlab Qozogʻistondan Rossiyaga bugʻdoy, yasmiq, pomidor, qalampir va
poliz mahsulotlarini olib kirishga vaqtinchalik cheklovlar kiritildi.
Rosselxoznadzorning tegishli qarori tashkilot saytida eʻʻlon qilindi.
Qayd
etilishicha, Qozogʻiston vakolatli idoralari tomonidan Rossiya hududining
fitosanitar xavfsizligini taʻʻminlash maqsadida choralar koʻrilmagani sababli ushbu
qaror qabul qilingan.
“Rosselxoznadzor
Qozogʻiston tomonini, Evroosiyo iqtisodiy ittifoqiga (EOII) aʻʻzo davlatlarning
vakolatli organlarini, shuningdek, Rossiyaning manfaatdor federal ijroiya
organlarini qaror haqida xabardor qildi”, — deyiladi xabarda.
Tashkilot
maʻʻlumotlariga koʻra, 2024 yil boshidan buyon Qozogʻistondan Rossiyaga kirib
kelayotgan nazorat qilinadigan mahsulotlarda EOIIga aʻʻzo davlatlar uchun karantin
obʻʻektlari aniqlangan 215 ta holat aniqlangan, bu 2023 yilning shu davriga
nisbatan toʻrt baravar koʻpdir.
Mavzuga aloqador
-
Avvalroq faqat un tegirmonlari va parrandachilar uchun Rossiya donini olib kirishga ruxsat bergan Qozogʻiston endilikda rus gʻallasi importiga 6 oy muddatga toʻliq taqiq qoʻymoqchi. Qozoq bugʻdoyiga eksport bojini joriy etish masalasi ham koʻrib chiqilmoqda. Bu Qozogʻiston bugʻdoyining anʻʻanaviy tashqi bozorlardagi raqobatbardoshligiga salbiy taʻʻsir koʻrsatishi mumkin.
-
Rossiya fitosanitar sabablarga koʻra Qozogʻistondan don, pomidor, qalampir va kungaboqar urugʻlari tranziti va importini toʻxtatdi. Ayrim ekspertlarning fikricha, Rossiyaning Qozogʻiston qishloq xoʻjaligi mahsulotlari importini taqiqlashi Qozogʻiston tomonidan rus gʻallasiga qoʻyilgan taqiqga javob boʻlishi mumkin.
