McDonald's Malaysia boykot tufayli 1,3 mln dollardan koʻproq zarar koʻrdi
McDonald's Malaysia boykot tashkilotchilarini sudga berdi.
McDonald's Malaysia boykotga chaqiruvchi harakat tashkilotchilarini
"yolgʻon va tuhmat qiluvchi maʻʻlumot" tarqatishda ayblab sudga berdi. Bu
haqda Reuters xabar bermoqda.
Ushbu mamlakatda McDonald's litsenziati hisoblangan Gerbang
Alaf Restaurants Sdn Bhd kompaniyasining daʻʻvo qilishicha, boykot natijasida 2 oy
davomida 6 mln ringit (1,31 mln dollar) daromaddan mahrum boʻlgan.
Avvalroq BDS ijtimoiy tarmoqlarda restoranlar tarmogʻini
“Isroilning Gʻazoda falastinliklarga qarshi genotsidli urushi” bilan asossiz
bogʻlashayotganini taʻʻkidlab, boykot harakati foydaning yoʻqotilishi hamda ishchi
oʻrinlarining kamayishi, shu jumladan, savdo nuqtalarining yopilishi yoki ish
soatlarining qisqarishiga olib kelganini maʻʻlum qilgandi.
McDonald's Malaysia 15 oktyabrdagi bayonotida kompaniya
"100% musulmonlarga tegishli" ekanini hamda Isroildagi restoran franchayzilarining
xatti-harakatlari uning qadriyatlarini aks ettirmasligini taʻʻkidlagandi. Ikki
kundan soʻng kompaniya Falastin gumanitar jamgʻarmasiga 1 mln ringgit (taxminan
220 ming dollar) mablagʻ ajratganini maʻʻlum qildi.
.png)
Mavzuga aloqador
-
Starbucks boykotlarga munosabat bildirar ekan, "Bizning pozitsiyamiz aniq. Biz insoniyat bilan birgamiz", dedi.
-
Isroilning falastinliklarni qirgʻin qilishini qoʻllab‑quvvatlaganlikda ayblanib, boytotga uchragan McDonald's oʻtgan chorakda soʻnggi toʻrt yil ichida birinchi marta savdo maqsadlariga erishmaganini maʻʻlum qildi. "Urush davom etar ekan, bu bozorlarda tiklanishni kutmaymiz", dedi McDonald's bosh direktori Kris Kempchinski.
