Oʻzbekiston TIV rahbari Afgʻonistonning yangi elchisini qabul qildi
Oʻzbekiston tashqi ishlar vaziri Baxtiyor Saidov Afgʻonistonning Oʻzbekistondagi diplomatik missiyasi yangi rahbari Abdul Gʻaffor Teraviyni qabul qildi. Uchrashuvda, jumladan, ikki davlat oʻrtasidagi munosabatlarni rivojlantirish, foydalanilmayotgan salohiyatni roʻyobga chiqarish, yangi loyihalarni ishlab chiqish masalalari muhokama qilindi.
9 oktyabrʻ kuni tashqi ishlar vaziri Baxtiyor Saidov
Afgʻonistonning Toshkentdagi diplomatik missiyasi yangi rahbari Abdul Gʻaffor
Teraviyni qabul qildi, deya
xabar qildi Oʻzbekiston TIV matbuot xizmati.
«Tomonlar Oʻzbekiston va Afgʻoniston aloqalarini har tomonlama
rivojlantirish, ishlatilmagan salohiyatni roʻyobga chiqarish, ikki mamlakat xalqlari
manfaatlariga xizmat qiladigan yangi loyihalar ishlab chiqish zarurligini
taʻʻkidladi», — deyiladi xabarda.
Abdul Gʻaffor Teraviy Oʻzbekiston tomonidan koʻrsatilayotgan
doimiy yordam uchun Afgʻoniston nomidan minnatdorlik bildirdi.
«Mamlakatlarimiz oʻrtasadagi mushtarak tarix va farovonlik
manfaatlari barcha sohalardagi hamkorlik aloqalarimizni rivojlantirishga turtki
boʻlib xizmat qilmoqda. Bugungi uchrashuvimiz davomida ikki tomonlama, mintaqaviy
va global kun tartibidagi dolzarb masalalarni muhokama qildik», — dedi Baxtiyor
Saidov Telegram-kanalida.
Tolibon Abdul
Gʻaffor Teraviy
Afgʻonistonning Oʻzbekistondagi elchi etib tayinlanganini avgust oyi
oxirida maʻʻlum qilgandi.
Mavzuga aloqador
-
Qozogʻiston parlamenti Xitoy bilan Transkaspiy xalqaro transport yoʻnalishini rivojlantirish toʻgʻrisidagi bitimni ratifikatsiya qildi. Kelishuv tufayli Xitoydan Evropaga yuk tashishning umumiy tezligi hozirgi 19-23 kundan 12-13 kungacha qisqaradi.
-
Qozogʻiston Afgʻonistonni mintaqalararo aloqalarga faol jalb qilish maqsadida “Tolibon” harakatini terrorchi tashkilotlar roʻyxatidan chiqardi. Qozogʻiston prezidenti “zamonaviy Afgʻoniston savdo-iqtisodiy hamkorlikni rivojlantirishning muhimligi”ni hamda toliblar rejimi “uzoq muddatli omil” ekanini taʻʻkidladi.
