Qozogʻiston “Tolibon” harakatini terrorchi tashkilotlar roʻyxatidan chiqardi

Qozogʻiston Afgʻonistonni mintaqalararo aloqalarga faol jalb qilish maqsadida “Tolibon” harakatini terrorchi tashkilotlar roʻyxatidan chiqardi. Qozogʻiston prezidenti “zamonaviy Afgʻoniston savdo-iqtisodiy hamkorlikni rivojlantirishning muhimligi”ni hamda toliblar rejimi “uzoq muddatli omil” ekanini taʻʻkidladi.

Qozogʻiston Afgʻonistonni mintaqalararo aloqalarga faol jalb qilish maqsadida “Tolibon” harakatini terrorchi tashkilotlar roʻyxatidan chiqardi. Bu haqda dushanba kuni mamlakat prezidenti Qosim-Jomart Toqaev KXShTga aʻʻzo davlatlar parlament palatalari spikerlari bilan uchrashuvda maʻʻlum qildi.

“Qozogʻiston zamonaviy Afgʻoniston bilan savdo-iqtisodiy hamkorlikni rivojlantirish muhimligi va bu rejim uzoq muddatli omil ekanligini anglagan holda “Tolibon” rejimini terrorchilar roʻyxatidan chiqardi”, — dedi Toqaev.

Qozogʻiston rahbari KXShT davlatlarini Olmaota shahrida BMTning Markaziy Osiyo va Afgʻoniston uchun Barqaror rivojlanish maqsadlari boʻyicha mintaqaviy markazini yaratish boʻyicha tashabbusini qoʻllab-quvvatlashga chaqirdi.

Avvalroq, fevralʻ oyida Qosim-Jomart Toqaev Afgʻonistondagi gumanitar va iqtisodiy tanazzulning oldini olish maqsadini eʻʻlon qilgan edi:

“Bu davlat bilan iqtisodiy hamkorlikni rivojlantirishga qaratilgan saʻʻy-harakatlar doirasida Qozogʻiston «Tolibon»ni terrorchi tashkilotlar roʻyxatidan chiqarib tashladi. Oʻylaymizki, bu qadam Olmaotada BMTning Markaziy Osiyo va Afgʻoniston boʻyicha Mintaqaviy rivojlanish maqsadlari boʻyicha mintaqaviy markazini tashkil etish boʻyicha saʻʻy-harakatlarimiz bilan birga ushbu mamlakatning global hamjamiyatga yanada integratsiyalashuviga yordam beradi”.

Avvalroq Rossiya ham “Tolibon”ni terrorchi tashkilotlar roʻyxatidan chiqarish rejasini maʻʻlum qilgan edi.