Turkiya uzoq masofaga uchuvchi Siper havo mudofaa tizimini ceriyali ishlab chiqarish boshladi

Turk Qurolli kuchlari va mudofaa kompaniyalari uzoq masofaga moʻljallangan Siper zenit-raketa majmuasini (ZRM) seriyali ishlab chiqarishni boshlash boʻyicha kelishuv imzoladi. Bu haqda Milliy mudofaa vazirligi xabar berdi.

Hujjat Mudofaa vazirligi rahbariyati, harbiy qismlar qoʻmondonlari va ishlab chiqaruvchilar tomonidan imzolandi. Vazirlik “shartnomani imzolash marosimi bilan Turkiyaning Siper [Siper product-1] uzoq masofali havo mudofaasi va raketaga qarshi mudofaa tizimini ceriyali ishlab chiqarish boshlangani, shuningdek, [ushbu raketalar uchun] Hisar ZRMni seriyali ishlab chiqarish miqyosi kengayganini qayd etdi.

«Siper — milliy imkoniyatlarimizdan foydalangan holda ishlab chiqilgan havo va raketaga qarshi mudofaa tizimidir”, - dedi Turkiya mudofaa vaziri Yashar Guler.

“U bizning uzoq masofali qurollarga boʻlgan ehtiyojimizni qondirish uchun muhim loyihadir. Dastlabki sinovlarda Hisar raketalari muvaffaqiyatli qoʻllanilgani tufayli Siper tizimlarining qarshi taʻʻsir choralari koʻrishi va havodagi nishonlarga zarba berishi samaradorligi oshadi”, - deya qoʻshimcha qildi u.

Siper majmuasi havodagi har qanday nishonlarini yoʻq qilish uchun moʻljallangan boʻlib, Anqara tomonidan import qilinayotgan tizimlarga muqobil tarzda yaratilmoqda. Uni ishlab chiqish jarayoni 2018 yilda Aselsan, Roketsan va SAGE (Mudofaa sanoati tadqiqotlari va ishlanmalari instituti) ishtirokida boshlangan. Kompleksning birinchi sinovlari 2022 yil dekabrida boʻlib oʻtdi.