Isroildagi elchixona oʻzbekistonliklarga murojaat bilan chiqdi
Oʻzbekistonning Isroildagi elchixonasi mamlakatning shimoliy hududlarida yuzaga kelayotgan murakkab vaziyat sababli oʻzbekistonliklarga murojaat bilan chiqib, qator tavsiyalar berdi. Jumladan, xavfsizlik choralarini koʻrishga va raketa otishmalari paytida boshpanalarni tark etmaslikka chaqirdi.
Oʻzbekistonning Isroildagi elchixonasi mamlakatning shimoliy
hududlarida murakkab vaziyat vujudga kelayotganini eʻʻtiborga olib
oʻzbekistonliklarga murojaat bilan chiqdi, deya xabar qildi Gazeta.uz.
Elchixona fuqarolardan hozirgi paytda shaxsiy xavfsizlik
choralarini koʻrishlarini va raketa otishmalari paytida boshpanalarni tark etmaslikni,
Isroil hukumati va Oʻzbekiston elchixonasi rasmiy xabarlarini kuzatib borishlarini
tavsiya qildi.
Isroil frontorti qoʻmondonligidan bildirishnomalar va
ogohlantirishlar (Home Front Command) mobil ilovasi yoki veb-sayti havolasini
telefonga oʻrnatib olish soʻraldi.
«Zaruriyatsiz koʻchaga va boshqa koʻngilochar muassasalarga tashrif
buyurmang. Iltimos, oʻz hayotingizni ehtiyot qiling», — deyiladi vakolatxona
xabarida.
Shoshilinch yordam yoki maslahat uchun elchixona kontaktlari.
Favqulodda yordam telefonlari:
03−672−2466;
03−672−2371;
03−758−5075;
03−758−5076.
Favqulodda va shoshilinch xabarlar uchun: +972 54 485 1397.
Eslatib
oʻtamiz, Isroil dushanba kunidan beri Livanga havo hujumlarini amalga oshirmoqda.
Ushbu hujumlar davomida mamlakatda kamida 569 kishi, jumladan 50 bola va 94 ayol
halok boʻlgan, 1800 dan ortiq kishi jarohatlangan. Oʻz navbatida, Livanning Hizyubulloh
guruhi tomonidan ham Isroilga raketalar uchirilmoqda. TsAXAL ularning aksariyati
urib tushirilgani, “biroq baʻʻzi binolar vayron boʻlganini” maʻʻlum qildi.