Москва вилоятидаги Малаховка мусулмонлари масжид билан боғлиқ вазият туфайли видеомурожаат қилишди

Moskva viloyatidagi Malaxovka aholi punktida yashovchi musulmonlar hududdagi masjid Tergov qoʻmitasi va boshqa idoralarning doimiy tekshiruv obʻʻektiga aylanganidan shikoyat qilib videomurojaat yoʻllashdi. Ushbu holat ibodat uyini yopishga urinish sifatida baholandi. Ularning taʻʻkidlashicha, masjid odamlarni odob-axloqli, yaxshi qoʻshni boʻlishga, qonunlarga hurmat, turli madaniyat va anʻʻanalar vakillariga daʻʻvat etuvchi maskandir.

Moskva viloyatidagi Malaxovka aholi puntining musulmon aholisi vakillari va ijtimoiy faollari YouTube xizmati orqali masjidlari atrofidagi keskin vaziyat haqida murojaatini eʻʻlon qildi.

Soʻnggi paytlarda Rossiya musulmonlari diniy assambleyasi (muftiy – Albir Krganov) tasarrufidagi musulmonlar namozxonasi Tergov qoʻmitasi va boshqa idoralar tomonidan tekshirish obʻʻektiga aylangan. Bunday tadbirlarning asosi - shaharda masjid mavjudligidan norozi boʻlgan mahalliy aholi orasidan ayrim faollarning Aleksandr Bastrikin boʻlimiga doimiy murojaatlari.

Videomurojaatda Malaxovka musulmonlari sodir boʻlayotgan voqeani ibodat uyini yopishga urinish sifatida baholadi. Ularning taʻʻkidlashicha, masjid odamlarni odob-axloqli, yaxshi qoʻshni boʻlishga, qonunlarga hurmat, turli madaniyat va anʻʻanalar vakillariga daʻʻvat etuvchi maskandir.

“Biz 10 yildan ortiq vaqtdan beri musulmonlar bilan qoʻshni yashayapmiz, hech qachon nizolar boʻlmagan”, deb taʻʻkidlaydi videomurojaatchilardan biri, Lyubertsi shahri Jamoatchilik palatasi aʻʻzosi Oleg Ujarinskiy.

Aholi vakillaridan birining IslamNews  nashriga aytishicha, “masjid 15 yildan beri faoliyat yuritib kelmoqda. Musulmonlar shaharning jamoat hayotida ishtirok etadi, aholi bilan birgalikda umumrossiya bayramlari va muhim sanalarni nishonlaydi, hududni obodonlashtirish uchun tozalik kunlarini tashkil qiladi.

Soʻnggi paytlarda ayrim guruhlar tomonidan shaharda musulmonlar namozxonasi boʻlishiga qarshi kampaniya boshlangan. Ayni paytda shahar hududida pravoslav cherkovlari va sinago hech qanday muammolarsiz faoliyat koʻrsatmoqda. Videomurojaatlarda faollar masjid avtoturargohi notoʻgʻri joyda joylashgani, oʻsimliklarga zarar etkazilayotgani, ichkilikbozlik, giyohvandlik va musiqa tinglash kabi holatlar kuzatilayotganini aytib, masjidni yopishni talab qilmoqda.

Nashr suhbatdoshining soʻzlariga koʻra, “Rossiya xalq otryadi” va “Tsarʻgrad” telekanali vakillari musulmonlar namozxonasiga kelib, qiziqishlarini “mahalliy aholidan signallar” olinayotgani bilan izohlashgan.

Moskva viloyatining Pushkino, Ramenskoe va boshqa bir qator tumanlaridagi musulmon hamjamiyatlarida ham shu kabi tekshiruvlari oʻtkazilmoqda.

Mavzuga aloqador

Eng ko‘p o‘qilgan

Tavsiya qilingan

Reklama