Gʻazo sektorida 86 jurnalist halok boʻldi
Gʻazo sektorida Isroil hujumlari oqibatida halok boʻlgan ommaviy axborot vositalari xodimlari soni 86 nafarga etdi, deb xabar bermoqda Anadolu Falastin anklav hukumati matbuot xizmatiga tayanib. Ulardan uch nafari ayol ekanligi aniqlangan.
Xabar
qilinishicha, 11 dekabrʻ kuni anklav hududida Isroilning havo hujumlari oqibatida
yana ikki nafar jurnalist halok boʻlgan.
"Isroil
falastinlik jurnalistlarni oʻldirish bilan Falastin tarixini va haqiqatni
yashirishni maqsad qilgan", - deyiladi hisobotda.
Bayonotda
halok boʻlgan jurnalistlarning shaxsi haqida hech qanday maʻʻlumot berilmagan.
Avvalroq,
1 dekabrʻ kuni Anadolu agentligi operatori Muntasir as-Savvaf Gʻazo janubidagi
Al-Durj hududidagi bombardimonlarda halok boʻlgan edi. Al-Savvof 18 noyabrʻ kuni Isroilning navbatdagi
havo hujumidan soʻng qariyb butun
oilasidan ayrilgandi.
Muxbirning oʻzi
yaralangan, biroq ishni
davom ettirishga qaror qilgandi.
“Men shu erda qolaman. Nima boʻlishidan qatʻʻi nazar, oxirgi
nafasimgacha ishimni bajarishda davom etaman va Gʻazo sektorida olingan kadrlarni
yuboraman. Bosqinchilarning bizga qilgani ishimizni davom ettirishimizga toʻsqinlik
qilmaydi”, - degan edi u.
Gʻazoda har kuni bir necha yuz falastinliklar halok boʻladi,
qurbonlarning umumiy soni allaqachon 18 ming kishidan oshdi. Ularning aksariyati
ayollar va bolalardir.
Mavzuga aloqador
-
Gʻarb matbuoti aksariyat holatlarda ikkilanma mezonlar bilan harakat qilyapti va shu taxlit yashamoqda. Abdulhakim Bahriddin Gʻazo misolida axborot vositalaridagi ikkilanma mezonlarni tilga oldi.
-
Amerikalik musulmonlar Isroilning Gʻazoga qarshi urushida AQSh prezidentining harakatlariga nisbatan oʻz pozitsiyasini aks ettiruvchi “Baydendan voz kechish” kampaniyasini boshlashni rejalashtirmoqda, deya xabar qildi Axios nashri.
