Bombalanayotgan Gʻazo: 161-kunning asosiy voqealari

Isroil Gʻazo sektorida bosqinchilik urushini boshlaganiga 161 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar dayjesti.

▪️ Bosqinchilar Gʻazo markazi va Xon Yunisga hujum qildi. Bir kunda 70 kishi halok boʻldi, 110 kishi yaralandi. Isroilning 7 oktbyardan buyon amalga oshirayotgan hujumlari natijasida jami 31 341 kishi halok boʻldi, ularning aksariyati ayollar va bolalardir.

▪️ Gʻarbiy Sohilda bosqinchilar Al-Faraa, Tulkarm va Xevron lagerlariga bostirib kirdi. Qarshilik jangchilari Al-Faraa lagerida bosqinchilarga qarshi kurash olib bordi.

▪️ Bosqinchilar Gʻazo markazida yordam kutayotgan odamlar yana hujum qildi. 20 kishi halok boʻldi, 155 dan ortiq kishi yaralandi. Merganlar jasadlarni olishga uringan odamlarni ham otib tashlagan.

▪️ Gʻazo hukumati: 20 kun ketma-ket bosqinchilar gumanitar yordam olishga kelgan Gʻazo aholisini oʻqqa tutmoqda. Dushman odamlar yordam kutayotgan joylarning koordinatalarini biladi va ularni ataylab otib tashlamoqda.

▪️ Isroil tomonidan cheklovlar joriy etilayotganiga qaramasdan, Masjidul Aqsoda 70 mingdan ortiq falastinlik taroveh namozini oʻqidi.

▪️ Soʻnggi 24 soat ichida AQSh Yamanning Hodeyd va Haj mintaqalariga 14 marta zarba berdi.

▪️ Human Rights Watch: Isroilning Gʻazoda tinch aholi ochligini qurol sifatida qoʻllashi urush jinoyati hisoblanadi.

▪️ Falastin Madaniyat vazirligi: Bosqinchilar Gʻazoda 45 nafar yozuvchi, sanʻʻat va madaniyat arboblarini oʻldirdi.

▪️ McDonald's Isroil bilan bogʻliq boykotlar tufayli oʻz qiymati 7 mlrd dollarga qisqargani haqida eʻʻlon qilganidan soʻng kompaniya aktsiyalari 3 foizga arzonlashdi.

▪️ Amerikalik senator Piter Uelch: bugun biz Gʻazoda ochlikdan aziyat chekayotganlarga havodan oziq-ovqat etkazyapmiz va Isroilga ertaga Gʻazoga tashlashi uchun bombalar etkazib bermoqdamiz.

Mavzuga aloqador

Eng ko‘p o‘qilgan

Tavsiya qilingan