Туркия ҳукумати хавотирда: мамлакатда туғилишлар сони тобора камайиб бормоқда. Расмий маълумотларга қараганда, 2001 йилда ялпи туғилиш коэффициенти 2,38 эди, 2024 йилга келиб эса бу кўрсаткич 1,48 га тушиб қолди. Яъни бир аёл репродуктив даврида туққан болалар сони икки нафарга ҳам етмаяпти. Маълумки, туғилишнинг камайиши бир қатор демографик, ижтимоий ва иқтисодий муаммоларни келтириб чиқаради. Масалан, иш кучи қисқаради, кексалар сонининг ортиши ижтимоий таъминот тизимига юкламани оширади.