Охирги вақтларда айрим нохолис ва мақсади жамиятни иккига бўлиш бўлган оммавий ахборот воситаларида “дунёвий жамиятда радикаллашув кучайиб бормоқда”, “унинг олди олинмаса, халифалик ва шариатга асосланган давлат ўрнатилади” қабилидаги “огоҳлантириш”лар кенг тарқалмоқда. Хўш, бундай иддаолар ва “даъватлар” статистик, илмий далиллар ёки соҳа бўйича экспертларнинг хулосаларига асосланганми?! Радикал атеист ва радикал либерал жамоалари ўзларининг асоссиз ва исботланмаган далиллари билан халқнинг онги ва тафаккурини заҳарламоқчими?!