Олдинроқ, Россия ҳудудида вақтинча меҳнат фаолиятини амалга ошираётган чет эл фуқароларининг ҳуқуқий мақомини текшириш бўйича тадбирлар давомида Россия гвардияси томонидан мигрантларга нисбатан куч ишлатилгани ҳақида хабарлар тарқалганди. Миграция агентлиги Москвадаги рейдлар чоғида муҳожирларга, жумладан, ватандошларимизга нисбатан жисмоний куч ишлатилгани ҳақидаги хабарлардан "афсус ва таассуфда" эканини маълум қилди.

Россия бўйлаб мигрантларга қарши оммавий рейдлар бошланди. Ҳибсга олинганларнинг аксарияти Афғонистондан келган муҳожирлар, аммо улар орасида Конго, Эфиопия, Ўзбекистон ва Украинадан келганлар ҳам бор. Таъкидланишича, бу Россия Тергов қўмитаси раҳбари Александр Бастрикиннинг яқинда қилган баёноти билан боғлиқ.