Жанубий Урал давлат университети олимлари оддий буғдой унига уваланган чигиртка хомашёсини қўшиш орқали янги нон ёпиш усулини ишлаб чиқди. Таъкидланишича, чигиртка унининг тахминан 60 фоизи оқсиллардан иборат. Шу билан бирга, бу каби уннинг эрувчанлик индекси уч баравар юқори, эмулсия ҳосил қилиш фаоллиги 55,2 фоизга етади. Кўпик ҳосил қилиш хусусияти эса 67,4 фоиз бўлиб, буғдой унидан тўрт баравар юқоридир.