Биз араб давлатларини душманга қарши туришга, Фаластинни қўллаб-қувватлашга чақирамиз, деган Фаластинлик ватанпарварлар.

Фаластин ерларини босиб олган исроилликлар, ўтган ой ишғол остидаги Шарқий Қуддусдаги Масжидул Ақсога полиция ҳимоясида 23 марта босқин уюштирди. Шунингдек, Ғарбий Соҳилдаги Хеброн шаҳрида жойлашган Иброҳим масжидига ҳам бир неча бор босқинлар уюштирилди, Юсуф алайҳиссалом қабри бошида кўнгилхушликлар қилинди.

Қуддус Ислом кенгаши Исроил мусулмонларнинг энг муқаддас қадамжоларидан бири бўлган Ал-Ақсо масжидига оид статус-квони ўзгартириш режаларидан жиддий хавотир билдирди. Кенгаш баёнотига кўра, Исроил ҳукумати яҳудий кўчманчиларга бу муқаддас қадамжога кўпроқ ҳуқуқ ва кириш ҳуқуқини бериш ниятида.

Исроил чекловларига қарамай, 35 минг фаластинлик Масжидул Ақсода хуфтон ва таровиҳ намозларига саф тортди. Исроил кучлари Масжидул Ақсога кирмоқчи бўлган ёш йигитни калтаклаб, ҳибсга олгани айтилмоқда.