АҚШнинг Нью-Йорк шаҳридаги Колумбия университетида Ғазодаги геноцид ва Фаластин ишғолидан фойда кўраётган ширкатларга молиявий сармоя киритилишига қарши намойиш ўтказган 100 га яқин талаба ҳибсга олинди.

АҚШ ҳукумати Колумбия университетига ажратилган 400 миллион долларлик федерал грант ва шартномаларни бекор қилди. Мазкур қарор таълим муассасаси ҳудудида Фаластин тарафдорлари намойишлари ва Исроилнинг Ғазодаги ҳаракатларига қарши талабаларнинг норозилик акциялари билан боғлиқ. Ҳукумат университетни антисемитизмга қарши курашда етарли чоралар кўрмаётганликда айбламоқда.