“Ҳиммат” сўзи бирор ишни қасд қилиш – хоҳишнинг аввалини билдиради. У мақсад сари етакловчи туйғудир. Бу туйғу эгалари мақсадларига эришиш йўлида ҳар қандай машаққатга сабр қиладилар. Ҳимматнинг энг олийси эса, шубҳасиз, Аллоҳнинг ҳукмларида оғмай ҳаракат қилиш, бу йўлда собит бўлишдир. Бу инсондан қанчалик сабр-бардош ва иродани талаб қилса-да, якунда ўзининг ширин меваларини беради. Ушбу натижалар – ҳимматни баланд қилиш сабаблари ҳақида суҳбатлашамиз.