Аллоҳ таоло Одам алайҳиссаломни лойдан, комил инсон кўринишида яратди. У кишининг комил инсон кўринишига келиши дарвинчилар иддао қилганидек қайсидир махлуқотлардан бирининг вақти-вақти билан такомиллашиши орқали юз бермади. Қуйидаги оят буни тасдиқлайди: “Эсла, Роббинг фаришталарга деди: “Албатта, Мен лойдан башар яратувчидирман. Бас, уни ростлаб, ичига руҳимдан пуфлаганимда, унга сажда қилиб, йиқилинглар!” (Сод сураси, 71-72 оятлар).