Янги маълумотларга кўра, кўплаб араб давлатлари ва компаниялари Исроилга Ғазо секторига қарши ҳужумида нефть ва ёқилғи-мойлаш маҳсулотлари билан таъминлаш орқали босқинчиларни қўллаб-қувватламоқда. Ҳисоботга кўра, Озарбайжон ва Қозоғистон ҳам Исроилга дўст бўлган яна икки давлат ҳисобланиб, Ғазо ҳужуми бошланганидан бери ишғолчилар хом нефтининг катта қисмини етказиб берган.

Ўтган ҳафта АҚШ Ғазода давом этаётган геноцид фонида Исроил ва араб генераллари билан яширин учрашгани маълум бўлди. Унда Иордания, Миср, Баҳрайн, Саудия Арабистони, БАА генераллари, шунингдек, АҚШ Марказий қўмондонлиги (CENTCOM) қўмондони Майкл Курилла ҳамда босқинчи давлат штаб бошлиғи Герци Халеви иштирок этган. Араб давлатлари разведка маълумотларини алмашиш ҳамда Исроилга қарата отилган ракета ва дронларни уриб тушириш вазифасини олган.

АҚШ давлат котиби Марко Рубио араб давлатларини Ғазо бўйича ўз ечимларини таклиф қилишга чақириб, уларни лоқайдлик ва бефарқликда айблади. Унинг айтишича, араб давлатлари ғазоликларни чиқариб юборишга қарши бўлди, аммо ҳанузгача бошқа муқобил таклиф тақдим этмаган.