Исроил чекловларига қарамай, 35 минг фаластинлик Масжидул Ақсода хуфтон ва таровиҳ намозларига саф тортди. Исроил кучлари Масжидул Ақсога кирмоқчи бўлган ёш йигитни калтаклаб, ҳибсга олгани айтилмоқда.

Исроил томонидан қўйилган барча тўсиқларга қарамай, 120 мингга яқин фаластинлик мусулмонлар учун муқаддас Рамазон ойидаги иккинчи жума намозини Ал-Ақсо масжидида адо этди.

Қуддус Ислом кенгаши Исроил мусулмонларнинг энг муқаддас қадамжоларидан бири бўлган Ал-Ақсо масжидига оид статус-квони ўзгартириш режаларидан жиддий хавотир билдирди. Кенгаш баёнотига кўра, Исроил ҳукумати яҳудий кўчманчиларга бу муқаддас қадамжога кўпроқ ҳуқуқ ва кириш ҳуқуқини бериш ниятида.