02.06.2025 11:24
100
Тўқаев 2029 йилда президентлик курсисини бўшатишини айтди
Қозоғистон президенти Қосим-Жомарт Тўқаев амалдаги етти йиллик президентлик муддати тугагач, 2029 йили президент лавозимини тарк этишини маълум қилди.
Унинг таъкидлашича, ҳар қандай давлат президенти Худонинг ердаги сояси эмас, балки оддий халқ хизматкоридир.
Тўқаев Al Jazeera телеканалига берган интервьюсида бундай қарор жамоатчилик кутганидек, унинг шахсий танловига ҳам мос келади.
"2029 йилда мен истеъфога чиқишимни эълон қилганман. Чунки бу халқимнинг ва ўзимнинг шахсий талабимдир", деган у.
Қозоғистон раҳбари президент ролини давлат менежери позицияси сифатида қабул қилишини таъкидлади.
Маълумот учун, Қосим-Жомарт Тўқаев 2019 йил 20 март куни Нурсултон Назарбоев истеъфога чиққанидан кейин Қозоғистон президенти лавозимига киришганди. 2019 йил июнь ойида бўлиб ўтган навбатдан ташқари сайловда у 70 фоиздан ортиқ овоз тўплаб ғалаба қозонган.
