30.05.2025 10:29
229
Тошкентда ҳибсга олинганлар электр токи билан қийноққа солинди
Тошкент шаҳри Янгиҳаёт тумани Ички ишлар бўлимининг уч нафар ходими ҳибсга олинган ватандошларнинг соқолларини куйдириб, дубинка билан калтаклаган ҳамда электрошок билан қийноққа солган.
Қайд этилишича, орган ходимлари фуқароларга нисбатан калтаклаш, психологик босим ўтказиш ва бошқа ғайриинсоний ҳаракатларни амалга оширган.
Суд жараёнида жабрланувчилар бошларига пакет кийдирилгани ҳамда турли ноинсоний усулларда қийноққа солингани ҳақида айтишган.
Ўтказилган тиббий экспертиза натижалари эса уларнинг танасида жисмоний ва руҳий шикастлар мавжудлигини тасдиқлаган.
Суд ҳукмига кўра, мазкур уч нафар ИИБ ходими 5 йилдан 11 йилгача озодликдан маҳрум қилиниб, жазони умумий тартибли колонияда ўташи белгиланган.
