16.08.2025 15:09
89
Қўқонда махсус хоналарда қимор ўйини ташкил этилгани аниқланди
Қўқон шаҳрининг Дегрезлик маҳалласи ҳудудида махсус тайёрланган хоналарда қимор ўйини ташкил этилгани аниқланди. Бу ҳақда Фарғона вилояти ИИБ матбуот хизмати хабар берди.
Текширувда 10 нафар ўйин иштирокчиси ва 1 нафар томошабин қимор ўйинида иштирок этгани маълум бўлди. Ўйинларда “шашқол” отилиб, ҳар бир ўйинга 5 000–10 000 сўм миқдорида пул тикилган.
Тадбир давомида жами 4 млн 128 минг сўм пул маблағи, 14 дона стаканча, 2 дона “шашқол” ўйини учун мўлжалланган суруп далилий ашё сифатида олинган.
Ҳолат юзасидан қўшимча суриштирув ҳаракатлари олиб борилмоқда, дейилади хабарда.
