29.07.2025 12:15
74
Қирғизистонда судланганлар энди президент бўлолмайди
Президент Садир Жапаров "Қирғизистон Республикасининг айрим қонун ҳужжатларига ўзгартишлар киритиш тўғрисида"ги қонунни имзолади.
Янгилик судланганлик ҳолати мавжуд бўлган, шу жумладан, судлангани олиб ташланган ёки ўчирилган, шунингдек, реабилитация қилмайдиган асосларга кўра жиноят иши тугатилган шахсларга тааллуқлидир.
Ўзгаришга кўра, бундай шахслар энди:
Қирғизистон президенти;
Жогорку Кенеш депутати;
Вазирлар Маҳкамасининг раиси;
сайлов ва референдум ўтказиш бўйича МСК аъзоси ва бошқа муҳим лавозимларни эгаллай олмайди.
Бундан ташқари, диний арбоблар диний фаолиятни тўхтатганидан сўнг беш йил мобайнида президент ёки депутат бўлолмайди.
Қонун Жогорку Кенеш томонидан 2025 йил 18 июнда қабул қилинганди.
