07.07.2025 12:05
45
Пойтахтда тиланчилик қилиб юрган 70 кишига маъмурий қамоқ жазоси берилди
Тошкент шаҳрида тиланчиликни ўзига касб қилиб олган 1880 нафар шахс аниқланди. Бу ҳақда пойтахт ички ишлар бош бошқармаси маълум қилди.
Қайд этилишича, тиланчилик қилиш қонун билан тақиқланган бўлишига қарамасдан, айрим шахслар буни ўзига даромад манбаига айлантириб олган.
Биргина июнь ойида Тошкент шаҳрида тиланчилик билан шуғулланаётган шахсларга қарши ўтказилган тезкор-профилактик тадбирлар давомида 300 га яқин шахс аниқланиб, тегишли чоралар кўрилган.
Жумладан, 70 нафарига нисбатан Маъмурий жавобгарлик тўғрисидаги кодекснинг 188−3-моддаси (Тиланчилик қилиш) билан маъмурий қамоқ жазоси тайинланган, 47 нафари маъмурий жаримага тортилган, 68 нафари билан профилактик суҳбат ўтказилган ва суд томонидан огоҳлантирилган.
Шунингдек, 44 нафар бола “Вояга етмаганларга ижтимоий-ҳуқуқий ёрдам кўрсатиш маркази”ига топширилган.
