Озарбайжон ва Ўзбекистон ҳарбийлари иштирокида «Маҳорат-2024» машғулотлари бошланди
“Озарбайжон Республикаси Мудофаа вазирлиги ва Ўзбекистон Республикаси Мудофаа вазирлиги ўртасида тузилган 2024 йилга мўлжалланган икки томонлама ҳамкорлик режасига мувофиқ, икки давлат ҳарбий хизматчилари иштирокида “Маҳорат-2024” компьютер кўмагида қўшма тактик қўмондонлик-штаб машқлари ўтказилади”, — дейилади Озарбайжон Мудофаа вазирлиги хабарида.
Ҳарбий бошқарув институтининг Ҳарбий ўйинлар марказида бўлиб ўтадиган машғулотларга икки давлатдан 100 нафардан ортиқ ҳарбий хизматчилар жалб этилади.
Тадбирни ўтказишдан мақсад – икки мамлакат армияси тезкор бўлинмаларининг ўзаро ҳамкорлигини яхшилаш ва жанговар самарадорлигини оширишдан иборат. Шунингдек:
Озарбайжон ва Ўзбекистон қўшинлари тезкор бўлинмаларининг ўзаро ҳамкорлигини такомиллаштириш ва жанговар самарадорлигини ошириш;
тезкор бўлинмалар командирларининг ҳарбий қарорлар қабул қилиш кўникмаларини, уларнинг ташаббускорлиги ва бошқарув кўникмаларини ривожлантириш ҳам кўзда тутилган.
“Маҳорат-2024” тактик қўмондонлик-штаб ўқув машғулотлари 6 октябрга қадар давом этади.
Мавзуга алоқадор
-
Фаластиннинг ҲАМАС қаршилик ҳаракати таклиф қилинган оташкесим ва гаровга олинганларни озод қилиш бўйича келишув шартларига ўзгартириш киритди. Унга кўра, ҳаракат БМТ ҳамда Хитой, Россия ва Туркиянинг сионистлар билан эришилган ҳар қандай келишувда кафил бўлишини истайди. Ушбу талаблар АҚШ ва Исроил томонидан рад этилган.
-
Туркия ҳаводаги ҳар қандай нишонни йўқ қилишга мўлжалланган узоқ масофага учувчи Siper ҳаво мудофаа тизимини cерияли ишлаб чиқаришни бошлади.
