Туркияда 18 ёшли йигит масжид ҳовлисида қатлиом уюштирди
Туркиянинг Эскишеҳир шаҳрида фашистларнинг рамзини тақиб олган ниқобли ўсмир масжид ҳовлисидаги одамларга болтача ва пичоқ билан ҳужум қилди. Ҳодисада 7 киши жароҳатланди, улардан икки нафарининг аҳволи оғир.
Ўз
қилмишларини тана камераси орқали қайд этиб борган йигит полиция томонидан
қўлга олинди. Йигит ҳужумга қаттиқ тайёргарлик кўрган, бунинг учун махсус
либослар, дубулға, кўзойнак, ниқоб, саёҳатчи болтачаси ва пичоқларини сотиб
олган, ўзи учун махсус қўлланма тайёрлаган.
Қўлланмада
норвегиялик Андерс Брейвик (2011 йилда 77 кишини ўлдирган), янги зеландиялик
Брентон Таррант (2019 йил, 51 киши), америкалик Стивен Пэддок (2017 йил, 60
киши) ва Тимоти Маквей (1995 йил, 165 киши) каби оммавий қотилларни “Замонанинг
Азизлари” деб атаб, уларнинг қотилликларидан илҳомланган. Бу қотилларни “дунёда
ўнлаб қўнғизлардан тозалаганини” иддао қилган ўсмир ўзининг ҳам улар қаторига
киришини билдирган.
Шунингдек,
унинг қайдларида эски режасида:
- ТKP (Туркия
коммунистик партияси – таҳр.) биносига ҳужум қилиш;
- Қочқинларни
рўйхатга олиш марказини портлатиб юбориш;
- Қочқинларнинг
уйларини нишонга олиш ва уларнинг барчасини йўқ қилиш;
- ЛГБТ
маршига бомба таҳдиди ҳақида хабар бериш;
-Феминистларнинг
газ бакига шакар қуйиш;
-Мафкуравий
душманлар, коммунистлар, марксчи ва антифашистларни тозалаш кабилар бўлганини ёзган.
Мавзуга алоқадор
-
Жума куни эрталаб Исроил томонидан Дамашқ жанубига ҳаво ҳужуми уюштирилиши оқибатида уч киши, жумладан Эрон Инқилобий гвардияси маслаҳатчиси Саид Алидадий ҳалок бўлди.
-
Сунний курдлар партияси HÜDA-PAR Туркия парламентига Исроилдаги урушда қатнашаётган мамлакат паспортига эга барча яҳудийларни фуқароликдан маҳрум этиш ҳақидаги қонун лойиҳасини тақдим этди. Маълум бўлишича, Туркия фуқароси бўлган 4 минг яҳудий нафақат Исроилда ҳарбий хизматни ўтаган, балки Ғазога бориб, бегуноҳ фаластинликларни қирғин қилишда қатнашган. Аниқланишича, уларнинг аксарияти ишғолчи давлатга Туркиядан эмас, балки учинчи давлатлар орқали ўтган. Қотиллар ўзларини фош қилмаслик учун турли исмлардан фойдаланган.
