Тунис президенти Қайс Саид 90,69 фоиз овоз билан қайта сайланди
Тунис Олий сайлов кенгаши 6 октябрь куни бўлиб ўтган президентлик сайловларининг дастлабки натижаларини эълон қилди. Олий сайлов кенгаши раиси Фарук Буаскер матбуот анжуманида Саиднинг 90,69 фоиз овоз олганини маълум қилди.
Бошқа
номзодлар орасида Халқ Ҳаракати етакчиси Зуҳайр ал-Мағзавий 1,97 фоиз, 2020
йилда “Яшасин Тунис” партиясидан депутат сифатида сиёсий ҳаётини бошлаган
тадбиркор Аяши Замал эса 7,35 фоиз овоз олгани билдирилди.
Конституция
бўйича профессор бўлган Қайс Саид илк бор 2019 йилдаги сайловларда президент
этиб сайланган эди.
Номзодлардан
бири Замал "ёлғон баёнот бериш" айби билан давом этаётган суд жараёни
туфайли қамоқдан туриб сайловда қатнашди.
Мухолифат
бойкот қилган сайловларда қатнашиш даражаси 28,8 фоизни ташкил этди.
Кеча
бўлиб ўтган сайловлар ортидан уюштирилган матбуот анжуманида Буаскер, хорижда
ва юрт ичида жами 9 миллион 753 минг 217 сайловчидан 2 миллион 808 минг 548
нафари овоз берганини айтди.
Буаскернинг айтишича, президентлик сайловларида иштирок
этганлар 28,8 фоизни ташкил этган.
Мамлакатнинг етакчи сиёсий партияларидан бири бўлган Эннаҳда
Ҳаракати, айниқса мухолифатдаги
Миллий Озодлик Жабҳаси ҳам сайлов жараёни учун "мос демократик
муҳит йўқ" деб баҳолади.
Мавзуга алоқадор
-
Озарбайжонда бўлиб ўтган президентлик сайловида амалдаги президент Илҳом Алиев, дастлабки ҳисоб‑китобларга кўра, 92,1 фоиз овоз билан ғалаба қозонди. Ушбу сайловда илк бор Қорабоғ аҳолиси ҳам иштирок этди.
-
Октябрда бўлиб ўтадиган Тунис президентлигига сайловларда ўз номзодини қўймоқчи бўлган K2Rhym номи билан машҳур тунислик рэпер Карим Гарби ҳужжатларни қалбакилаштириш айби билан сиртдан 4 йил қамоқ жазоси ва 1600 доллар жаримага тортилди.
