Сурия шимоли-шарқий нефт конларини назоратга олишга тайёрланмоқда

Сурия Нефт ва минерал ресурслар вазирлиги вакили Аҳмад Сулаймоннинг маълум қилишича, вазирлик шимоли-шарқий ҳудудлардаги нефт конларини ўз назоратига ўтказиш учун махсус қўмиталар ташкил этишни режалаштирмоқда.

Сулаймон нашрга берган интервюсида ушбу қўмиталар ҳозирда конларни назорат қилаётган Сурия Демократик Кучлари (SDF) ўрнини эгаллашини, шундан сўнг техник гуруҳлар объэктларнинг ҳолатини баҳолаш ишларини бошлашини таъкидлаган.

Бу қарор 10 март куни имзоланган келишувнинг мантиқий давомидир. Мазкур келишув доирасида SDFнинг фуқаровий ва ҳарбий тузилмалари Сурия давлат тизимига интеграция қилиниши белгиланган бўлиб, бунга чегара пунктлари, аеропортлар ҳамда нефт ва газ инфратузилмалари ҳам киради.