07.07.2025 06:39
64
Сунъий идрок тизими шифокорларга қараганда 4 баробар аниқ ташхис қўймоқда
Янги ишлаб чиқилган MAI Diagnostic Orchestrator (MAI-DxO) тизими шифокорларга қараганда 4 марта аниқроқ ташхис қўймоқда. Ушбу тизим сунъий интеллектга асосланган бўлиб, ChatGPT, Gemini, Claude ва Grok каби бир неча моделлар "кенгаши"дан иборат: улар биргаликда симптомларни, тестларни таҳлил қилади ва ўзаро маслаҳатлашган ҳолда беморга аниқ ташхис қўйишади.
Натижалар эса аъло – MAI-DxO тизими ҳар 5 ҳолатдан 4 тасида тўғри ташхис қўйган. Бундан ташқари, тизим иқтисодий жиҳатдан ҳам самарали бўлиб, текширувлар ва таҳлилларни тўғри танлаш орқали хизмат харажатини 20% га камайтирди.
Microsoft'нинг AI бўйича бош директори Мустафа Сулеймон бу технологияни "тиббиётдаги суперинтеллект сари йўл" деб атади. Маълумотларга кўра, компания ушбу воситани Bing'га интеграция қилишни режалаштирмоқда.
MIT университети олимларидан Дэвид Зонтаг бу тизимни қизиқарли деб баҳолади, аммо натижаларга эҳтиёткорлик билан ёндашишни тавсия қилди. Унинг айтишича, тадқиқотда иштирок этган шифокорларга қўшимча воситалардан фойдаланмаслик тавсия этилган, шунинг учун AI билан тенг шароитда эмасдилар. Шу билан бирга, нейрон тармоқнинг ташхислари ҳаётий тажрибага эмас, моделлаштиришга асосланган.
