Россияда масжидга ўт қўйишда гумонланганлар қўлга олинди

Росияда уч ўсмир Егоревскдаги масжидга ўт қўйишда гумонланмоқда. Тергов фикрича, бунгача улар Россияда тақиқланган миллатчи экстремистик гуруҳ — "Миллий-социализм/Оқ куч” га қўшилган.

Олдинроқ, Рамазон ҳайити арафасида, 30-мартга ўтар кечаси Париж коммунаси кўчасидаги масжид ёниб кетганди. Ёнғин тезда бинонинг томини ва иккинчи қаватини қамраб олган. Ёнғин ўчирилди, аммо ҳозир масжид жиддий таъмирлашни талаб қилмоқда. Мутахассислар ёнғинга ўт қўйиш сабаб бўлганини аниқлашди.

20 апрель куни Россия Федерациясининг Москва вилояти бўйича тергов қўмитаси ўсмирларга нисбатан террорчилик ташкилотида иштирок этиш моддаси бўйича иш очди; улар 10 йилдан 20 йилгача озодликдан маҳрум этилиши мумкин.