Россия Горняк ва Селидовони эгаллади

Россия қўшинлари Донецк вилоятидаги Горняк шаҳрини эгаллаб, минтақадаги яна бир қанча аҳоли пунктларига кириб борди, дея хабар бермоқда DeepState лойиҳасининг украиналик таҳлилчилари.

Горнякдан ташқари, Селидово, Богоявленка, Новоукраинка, шунингдек, Шахтёрский ва Новоалексеевка яқинидаги ҳудудлар ҳам Россия назоратига ўтди. Таҳлилчиларнинг аниқлик киритишича, Богоявленкининг кичик бир қисми кулранг зонада қолмоқда.

Россия уруш мухбири Юрий Котенок Украина қуролли кучлари Селидовони тарк этгани ҳақида хабар берди. Унинг сўзларига кўра, Россия қўшинлари “ҳудудни тозалаш, қаршилик ўчоқларини аниқлаш ва йўқ қилиш, шунингдек, тарқоқ Украина ҳарбий хизматчилари гуруҳларини қўлга олиш”да давом этмоқда.

Горняк шаҳри Покровск йўналишида ҳаракатланиш учун стратегик аҳамиятга эга.

Эслатиб ўтамиз, аввалроқ Россия президенти Владимир Путин август ойида РФнинг Курс вилоятига бостириб кирган украин армиясининг 2 мингдан зиёд аскари қуршовда қолгани ва йўқ қилинаётганини билдирган эди. Сентябрь ва октябрь ойларида рус қўшинлари қарши ҳужумга ўтишга ҳаракат қилишди. Октябрь ойи ўрталарида Украинанинг DeepState таҳлил лойиҳасига кўра, Украина Қуролли Кучлари назорати остида 660 квадрат километрдан кўп бўлмаган ҳудуд қолган, яна 360 квадрат километр “кулранг зона” бўлган.