Масжиди Набавийга бир ҳафтада 5 млн зиёратчи ташриф буюрди
Мадинадаги Масжиди Набавийга ўтган ҳафтада мисли кўрилмаган миқдорда – 5 млн мусулмон зиёратчи ташриф буюрди, дея хабар қилди GulfNews Масжиди Набавий ишлар бўйича бош бошқармаси маълумотларига таянган ҳолда.
Хабарда
айтилишича, 8-15 декабрь кунлари унга 5 миллион 119 минг диндор ташриф буюрган.
Улардан 501 938 нафари Пайғамбаримиз Муҳаммад саллоллоҳу алайҳи ва саллам қабрларини
зиёрат қилишга муваффақ бўлган.
Шунингдек,
бир ҳафта давомида 87 мингдан ортиқ зиёратчилар ўнлаб тиллардаги таржимонлар
хизматидан фойдаланишган. Ҳафта мобайнида 13584 киши Масжиди Набавий кутубхонасига
ташриф буюрди, 4783 нафар зиёратчи мажмуа ҳудудидаги музей ва кўргазмаларга
кирди.
Бундан
ташқари, ҳукумат намозхонларга 111 600 шиша замзам суви тарқатди.
Шунингдек,
92 992 та ифторлик дастурхони ёзилиб, 42 125 та совға-саломлар тарқатилган.
Мавзуга алоқадор
-
Саудия Арабистони ҳукумати санитария меъёрлари сабабли масжидлар ичида ифторлик ўтказиш тақиқланганидан сўнг Макка ва Мадина шаҳарларидаги ифторликлар масжидлар ташқарисида ўтказилиши маълум қилинди. Шунингдек, имом ва муаззинларга Рамазон ойида ифторлик уюштириш учун моддий эҳсон йиғиш чекланди.
-
Исломнинг иккинчи муқаддас маскани ҳисобланган Мадинадаги Масжиди Набавийга масъул Саудия Арабистони маъмурияти миллионлаб намозхонлар учун қулайликни таъминлаш мақсадида жорий Ҳаж мавсуми учун оломонни бошқаришнинг самарали режасини тузди. Унга кўра, масжидга кириш ва чиқишни таъминлаш учун 60 та йўлак, жумладан, 38 та асосий ва 8 та фавқулодда вазиятлар учун йўлаклар ишга туширилади.
