Ислом уламолари исроил ва АҚШга нефт етказиб беришни тўхтатишга чақирди

Дунё бўйлаб 50 нафар нуфузли Ислом уламолари мусулмон мамлакатларига Исроил ва АҚШга нефт етказиб беришни дарҳол тўхтатиш бўйича фатво эълон қилди. Улар ҳукуматларни оғзаки норозилик билан чекланмай, аниқ чоралар кўришга ундамоқда.

Олимларнинг баёнотида нефт ва газ экспортини тўхтатиш билан бир қаторда, Ислом давлатларининг Ғарб банклари ва компанияларидаги сармояларини ҳам қайтариб олиши лозимлиги таъкидланган. Бу чақириқ Ислом умматининг шаънини ҳимоя қилиш ва зулмга чек қўйиш йўлида сўнгги огоҳлантириш сифатида эълон қилинмоқда.

Баёнотда қуйидагича мурожаат қилинган: “Умматнинг қўлида нефт қудрати бор экан, сукут сақлаши мумкин эмас. Исроил ва унинг тарафдорларига ресурс етказиб беришни зудлик билан тўхтатиш лозим!”