Эрондаги аэропорт яқинида кучли портлаш бўлгани айтилмоқда
Зоҳидон шаҳри
Эрон жануби-шарқидаги Зоҳидан шаҳри (Систон ва Балужистон вилояти) халқаро аэропорти яқинида кучли портлаш овози эшитилган. Бу ҳақда форс Telegram-каналлари хабар бермоқда.
Ҳозирча портлашга нима сабаб бўлгани ва қурбонлар бор-йўқлиги номаълум. Эрон расмийлари ҳам бу вазиятга изоҳ бермаган.
Таъкидлаш жоизки, сунний балужлар истиқомат қиладиган Систон ва Балужистон вилояти Эрондаги энг йирик норозилик маркази бўлиб, тез-тез аксилҳукумат намойишлари ва хавфсизлик кучларига қарши тўқнашувлар билан ажралиб туради.
Шу боис ҳам Эрон парламенти мазкур ҳудудни турли номдаги 4 та вилоятга бўлиш таклифини муҳокама қилаётган эди. Шунингдек, 10 миллион одамни кўчириш ҳамда Систон ва Балужистон қирғоқларини бошқа вилоятларга ўтказиш масалалари ҳам кўриб чиқиляпти.
Мавзуга алоқадор
-
Ислом инқилоби қўриқчилари корпуси Покистоннинг Эрон билан чегарадош Балужистон вилоятида жойлашган “Жайш ал-Адл” (“Адолат армияси”) террорчилик гуруҳининг асосий базасига баллистик ракета ва учувчисиз самолётлар ёрдамида ҳужум уюштирди. Покистон томони бу ҳужумни мамлакат ҳаво ҳудудини асоссиз бузиш деб атади ва 2 боланинг ҳалок бўлгани, 3 бола жароҳатланганини маълум қилди.
-
Эрон томонидан Покистон ҳудудига ракета зарбалари берилгани ортидан Исломобод Теҳрондаги элчисини чақириб олди. Покистон разведкасидаги манба ушбу ҳужумга жавоб беришнинг барча имкониятлари кўриб чиқилаётганини маълум қилди.
