25.08.2025 10:10
74
Энди Афғонистонда маҳкумлар ва қарздорларга паспорт берилмайди
Афғонистонда паспорт ололмайдиган шахслар рўйхати кенгайтирилди.
“Khaama Press” нашрига кўра, қўшни давлат паспорт бошқармаси янги қоидаларни жорий қилган. Унга кўра, маҳкумларга, васийларсиз болаларга, шунингдек, тўланмаган қарзлари ёки бошқа мажбуриятлари мавжуд шахсларга хорижга чиқиш ва паспорт олиш тақиқланади.
Нашрнинг ёзишича, илгари барча фуқаролар паспорт олиш ҳуқуқига эга бўлган, чекловлар эса фақат айрим жиноят ишлари доирасида қўлланилган.
Маълумот учун, Афғонистонда шахсни тасдиқловчи миллий ҳужжат “тазкира” деб номланади ва ундан аҳолининг аксарияти фойдаланади. Паспорт эса чет элга чиқиш учун талаб қилинади.
