Британия суди сионизмни қоралаган профессорни ҳимоя қилиб чиқди
Британиянинг бандлик трибунали “демократик жамиятда ҳурмат қилиниши керак бўлган фалсафий қарашлар” сифатида дискриминацияга қарши қонунлар остида сионизмга қарши академик эркинлик ҳимоя қилиниши керак деган қарорга келди, деб ёзади Arab News.
Гап
шундаки, сиёсий социология фанидан дарс берган профессор Дэвид Миллер 2021
йилда сионизмни “ирқчи, империалистик ва мустамлакачи” деб атагани ҳамда у апартеид
ва этник тозалашга олиб келади, дегани учун Бристол университетидан ишдан
бўшатилганидан кейин иш судга ошганди. Университет раҳбарияти бу гапларни
антисемитизмга тенглаштириб, ўқитувчи билан хайрлашган.
Суд
Миллернинг сўзларини қарама-қарши деб атади, аммо профессор қонунга хилоф
равишда камситилган деган қарорга келди.
“Кўпчилик
Миллернинг тарих ва сиёсат соҳасидаги таҳлилига асосли равишда рози бўлмаса-да,
бошқалар бунинг тескари фикрига эга бўлиши мумкин. Биз у ўз қарашлари “фалсафий
қарашлар” деб баҳоланиш мезонларига жавоб беришини кўрсатди, деб ҳисоблаймиз”,
— дея хулоса қилди судья Роҳан Пирани.
2019
йилдаги маърузасида Миллер сионизм исломофобиянинг асоси эканлигини таъкидлаганди.
Бу яҳудий талабаларнинг жаҳлини чиқарган ва улар ўқитувчи устидан ректорликка шикоят
қилганди.
Мавзуга алоқадор
-
Россия мусулмонлари диний бошқармаси раисининг биринчи ўринбосари, Москва ислом институти ректори, илоҳиёт фанлари доктори Дамир Мухетдинов ниқоб РФ туб мусулмон халқлари учун тарихий анъанавий либос эканини таъкидлаб, Совет Иттифоқидан олдинги даврда татарлар ва Шимолий Кавказ халқлари орасида бу кийим кенг тарқалгани бўйича тарихий далилларни мисол тариқасида келтирди.
-
Исроил Ғазо секторида босқинчилик ва қирғинбарот урушини бошлаганига 281 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
