Бомбаланаётган Ғазо: 364-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 364 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
▪️Босқинчилар Хон Юнис, Дайр ал-Балаҳ ва Нусайрат лагерига ҳужум қилди. Кун давомида 9 фаластинлик ҳалок бўлди.
▪️Уруш бошланганидан буён 41 788 киши ҳалок бўлди, 96794 киши жароҳатланди.
▪️Ал-Қассам бригадалари Хон Юнисда бир қатор пистирмалар уюштирди. Меркава танклари ва бошқа жиҳозлар портлатилди.
▪️Кеча тунда ишғолчи ҳаво кучлари Ғарбий Соҳилда Тулкарм лагеридаги кафега ҳужум қилди. 21 киши, жумладан, болалар ҳалок бўлди.
▪️Исроил Рафиқ Ҳарири аэропорти яқинидаги Лейлек турар-жой массивини деярли бутунлай вайрон қилди. Босқинчиларнинг 20 та ҳужумидан 11 таси Байрутнинг жанубий маҳаллаларига уюштирилган.
▪️Кун давомида Ҳизбуллоҳ Исроил ҳарбий объектларига қарши 32 та амалиёт ўтказди. Ҳизбуллоҳ билан бўлган жангларда 17 босқинчи йўқ қилинди. Ҳайфадаги Нашер базасига 20 та ракета учирилди.
▪️New York Times: Теҳрон Исроилнинг эҳтимолий зарбаси олдидан Москвадан разведка соҳасида ҳамкорлик қилишни сўради.
▪️Босқинчилар Сурия ва Ливан ўртасидаги Маснаа чегара пунктини портлатиб юборди. Пункт ҳозирда ёпиқ. Сўнгги 2 ҳафта ичида Сурияга 30 мингга яқин қочқин ўтди.
Мавзуга алоқадор
-
Шарқий Қуддусдаги Ал-Ақсо масжидида тўққиз ҳафтадан буён Исроил кучлари томонидан жума намозини ўқишга тўсқинлик қилинмоқда.
-
Бразилия элчи Фредерико Мейерни Бразилиянинг Исроилдаги элчихонасидаги фаолиятини бутунлай тўхтатмоқда. Элчининг истеъфога чиқиши расмий нашрларда эълон қилинди.
