БМТ ХК аъзолари тинчликпарвар кучларга ҳурмат кўрсатишга чақирди
Бирлашган Миллатлар Ташкилоти Хавфсизлик Кенгаши аъзолари барча томонларни БМТнинг Ливандаги Муваққат кучлари (UNIFIL) шахсий таркиби ва объектларини ҳурмат қилишга чақириб, UNIFIL’га яқинда уюштирилган ҳужумлардан чуқур хавотир билдиришди.
Кенгаш
президенти, Швейцариянинг БМТдаги доимий вакили Паскаль Берисвиль Ливандаги
вазият бўйича Кенгашнинг ёпиқ мажлиси якунлари бўйича матбуотга баёнот берди.
Унинг
таъкидлашича, Исроил ва Ливан ўртасидаги Мовий чизиқ бўйлаб кескинлик кучайган
ва Кенгаш аъзолари UNIFIL объектларига яқинда уюштирилган ҳужумлардан жиддий
хавотир билдиришган.
"КХ
аъзолари UNIFIL ходимлари ва объектларини ҳурмат қилишга чақириб, тинчликпарвар
кучлар ва уларнинг объектлари ҳеч қачон нишонга айланмаслиги кераклигини
таъкидлайди", дея қўшимча қилди у.
Берисвиль,
шунингдек, Кенгаш аъзоларининг UNIFIL’ни қўллаб-қувватлашини таъкидлаб, тинч
аҳоли ўлими, вайронагарчилик ва кўчирилишидан хавотир билдирди.
Берисвилнинг
қўшимча қилишича, Кенгаш аъзолари барча томонларни халқаро гуманитар ҳуқуқни
ҳурмат қилишга чақирган ва Хавфсизлик Кенгашининг 1701-резолюциясини ҳурмат
қилиш зарурлигини таъкидлаган.
Исроилнинг UNIFIL’га ҳужуми
Бир кун аввал UNIFIL Исроил томонидан Ливандаги қўриқчи
минорасини ўққа тутиши натижасида икки тинчликпарвар аскар яралангани ҳақида
хабар берган эди.
Шунингдек, кейинроқ Исроил армияси Ливан жанубидаги
Рас-Нақура ҳудудидаги UNIFIL қўмондонлик штаб-квартирасини ўққа тутгани маълум
қилинди. Бундан ташқари, Меркава танкидан UNIFIL қўриқлаш минорасига ўт очилган. Отишма натижасида яна икки аскар яраланган.
Бирлашган Миллатлар Ташкилоти Қўмитаси 1701
БМТ Хавфсизлик Кенгашининг 1701-резолюциясига кўра, “Мовий чизиқ” деб
номланувчи ҳудудда фақатгина Ливан армияси ва БМТнинг Ливандаги вақтинча
тинчликпарвар кучларига (UNIFIL) тегишли қурол ва ҳарбий техникалар бўлиши керак. Бироқ Ливан
жанубидаги Литани дарёси ва Исроил билан чегарадош “Мовий чизиқ” орасидаги қарийб
барча ҳудудлар 2000 йилдан бери Ҳизбуллоҳнинг кучли ҳарбий таъсири остида.
Ливан бош вазири Нажиб Микати 5 декабрь куни Ливан Исроил
билан чегарадаги баҳсли ҳудудлар юзасидан БМТ орқали Исроил билан музокара олиб
боришини айтди.
Мавзуга алоқадор
-
Исроил Олий суди бир овоздан ультраортодоксал эркакларни мажбурий ҳарбий хизматга чақириш бўйича қарор чиқарди. Шу пайтгача ультраортодоксал яҳудийлар мажбурий ҳарбий хизматдан озод қилинган эди. Таҳлилчиларга кўра, янги тартиб Нетаньяху ҳукмрон коалициясининг емирилишига сабаб бўлиши мумкин.
-
Франция ўнг қанот Миллий бирлашув партияси етакчиси ва бош вазир лавозимига номзод Жордан Барделла Фаластин давлатини тан олиш террорни тан олиш билан баробар, дея маълум қилди. У яҳудий ватандошларига Исломга қарши қалқон бўлишга ваъда берди.
