БАА АҚШ чиплар бозорига кирмоқчи — Bloomberg

АҚШ Президенти Доналд Трамп Бирлашган Араб Амирликлари миллий хавфсизлик бўйича маслаҳатчиси ва айни пайтда мамлакат президенти Муҳаммад бин Зоид Ал-Наҳаённинг укасини Оқ уйда қабул қилди.

Учрашув давомида икки давлат ўртасидаги узоқ муддатли стратегик ҳамкорлик, жумладан, АҚШнинг илғор технологиялар, сунъий интеллект, энергетика ва соғлиқни сақлаш соҳаларига киритиладиган инвестициялар муҳокама қилинди.  

Bloomberg нашрининг таъкидлашича, Абу-Даби АҚШга сармоя киритиш орқали мамлакатнинг чиплар бозорига кириш имкониятини қўлга киритишга интилмоқда. БАА катта маблағлар ажратиб, сунъий интеллект марказлари яратишга сармоя киритмоқда ва шу йўл билан ҳудудий сунъий интеллект марказига айланишни мақсад қилган.  

Бунга қадар АҚШнинг собиқ президенти Жо Байден Америка сунъий интеллект чипларининг экспортига қўйилган чекловларни кенгайтирган эди.