АҚШда имом ўзи қилмаган қотиллик учун қатл этилди
Миссури штатида қотилликда айбдор деб топилган имом Марселус «Халифа» Уильямс прокурорлар унинг айбсиз бўлиши мумкинлигини айтишганига қарамай, 24 сентябрь куни ўлимга олиб келадиган инъекция орқали қатл этилди.
Уильямснинг адвокатлари ва Сент-Луис округи прокурори Уэсли Белл 21 сентябрь куни Миссури Олий судидан “янада кенгроқ кўриб чиқиш” учун ижрони кечиктиришни сўраб, қўшма мурожаат топширди.
Бироқ қатл Бонне-Терре қамоқхонасида амалга оширилди ва қатл этилган одам маҳаллий вақт билан соат 18:10 да ўлган деб эълон қилинди.
55 ёшли Уильямс Сент-Луисдаги уйида пичоқланган ҳолда топилган журналист Фелисия Гейлни 1998 йилда ўлдирганликда айбланиб, 2001 йилда ўлимга ҳукм қилинган. У 2015 ва 2017 йилларда жазони ижро этиш ортга сурилган.
Прокурорлар ДНКга оид янги далиллар Уильямснинг ДНКси қотиллик қуролида топилмаганини таъкидлаб ўтган.
Штат Олий суди ўз қарорида ДНК прокурор ёрдамчиси ва терговчининг қўлқопсиз ҳолда пичоқ билан нотўғри ишлаш натижасида юзага келганини қайд этган.
Уильямснинг адвокатлари суд жараёни хатоларга бой бўлганини айтишди. Улар, шунингдек, ҳукм сўзсиз ирқий камситиш асосида ёзилганлигини таъкидлашди, чунки уларнинг фикрига кўра, судда қора танли судьяларнинг иштирок этишига рухсат берилмаган.
Бироқ Миссури Олий суди қатлни бекор қилиш талабларини рад этди.
Мавзуга алоқадор
-
THY Венесуэла, Мексика, Колумбия, Куба ва Бразилияга бормоқчи бўлган йўловчиларни қўшимча шартлар тўғрисида огоҳлантирди. Унга кўра, паспорт ва виза бўлган тақдирда ҳам, багажсиз, меҳмонхона банд қилмаган ва қайтиш чиптаси бўлмаган йўловчилар самолёт бортларига чиқарилмайди.
-
Исроил Ғазо секторида босқинчилик ва қирғинбарот урушини бошлаганига 183 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
