Америкалик кардинал янги Рим папаси бўлди

Vatican News'нинг хабар беришича, у тарихдаги биринчи америкалик понтификка айланди. 

Роберт Прево Иллинойс штатининг Чикаго шаҳрида туғилган, бироқ хизматининг кўп қисмини Перуда миссионер сифатида ўтказган ва яқинда Ватикандаги вазирлик вазифасини бажарувчи дикастерияга раҳбарлик қилган. Унинг папа Франциск ислоҳотларини давом эттириши кутилмоқда.

Янги Рим папасини сайлаш бўйича конклав 7 май куни бошланган. Дастлабки босқичларда кардиналлар бир тўхтамга кела олишмаган. Улар кунига икки марта яширин овоз беришган. Номзод овозларнинг учдан икки қисми ва яна бир овозни олиши лозим эди. Шундан сўнг у Пётр тахтини эгаллашга розилигини тасдиқлади ва ўзининг папа номини танлади.

Манбаларга кўра, Рим папаси лавозимига АҚШ, Италия, Шри Ланка ва Африка мамлакатларидан олтита асосий номзод кўриб чиқилган.

Янги понтифик кардиналлар овоз бериши бошланганидан бери тўртинчи ёки бешинчи турда сайланганми, ҳозирча номаълум. Ҳар ҳолда, у конклавнинг иккинчи кунида сайланган учинчи папа бўлади.