Америка университетлари талабаларга ён босди

АҚШнинг энг қадимги ва нуфузли Браун университети урушга қарши фаоллар билан шартнома тузиб, Фаластин тарафдори бўлган талабаларга ён берди.

Kелишувга кўра, ҳеч бир талаба, ўқитувчи, аспирант ёки аспирант Фаластин тарафдори чодир лагерида қатнашгани учун жазоланмайди, ишдан бўшатилмайди ёки ҳайдалмайди.

Университет расмийлари “Исроилнинг Фаластин ҳудудини босиб олишидан воз кечиш” масаласи бўйича талабаларнинг фикрини эшитишга ваъда берди. Келишув Фаластин тарафдори бўлган талабалардан беш нафари Исроил ишғолини қўллаб-қувватловчи компаниялардан воз кечиш масаласини муҳокама қилишда қатнашади.

Университет президенти Кристина Пахсон университетнинг Ресурсларни бошқариш бўйича маслаҳат қўмитасидан 2024 йил 30 сентябргача Исроил ишғолини қўллаб-қувватловчи компанияларни олиб қўйиш бўйича тавсиялар сўради. Олинган тавсиялар, ўз навбатида, 2024 йил октябрь ойида овозга қўйилади.

Эслатиб ўтамиз, АҚШнинг 50 дан ортиқ йирик университетларида Фаластинни қўллаб-қувватловчи талабалар намойишлар уюштирган. Охирги 2 ҳафта ичида полиция 1000 дан ортиқ талаба, шунингдек, бир неча ўқитувчини ҳибсга олган эди.